DAVAO CITY – Andam na ang mga sakop sa kapulisan sa subling pagpatuman sugod karong adlawa sa FM pass diin anaa sa 40 ka mga control points ang gipahimutang aron mosubay kung nagamit ba og tarong sa mga residente ang ilang gihuptan nga FM pass.
Gibalik ang pagpatuman niini aron nga malimitahan ang lihok sa mga tawo human nga padayon karon ang pagsaka sa kaso sa COVID-19 sa syudad.
Ning kasamtangan, naghulat pa ang kapulisan sa mamahimong guidelines sa lokal nga kagamhanan kalabot sa mga nawala na ang FM pass sukad nga gi-lift kini kaniadtong bulan sa Agosto.
Una ng gibutyag ni Police Capt. Rose Aguilar, tigpamaba sa Davao City Police Office (DCPO) nga 24 oras nga magbantay ang mga kapulisan sa mga control points human nga hugtanon ang kamanduan sa lokal nga kagamhanan nga bantayan ang mga mogawas ug sulod sa dakbayan.
Pahayag ni Police Capt. Rose Aguilar, tigpamaba sa Davao City Police Office (DCPO).
