DAVAO CITY – Gipasalig sa mga sakop sa Davao City Police Office (DCPO) nga dili nila tugtan ang mga menor de edad nga mosulod sa mga lodging house karung adlawa.
Una ng gibutyag ni DCPO spokesperson Catherine dela Rey nga dili lamang nila kini ginapahigayon matag Valentine’s Day apan mas tutukan nila kini karung adlawa aron nga walay makalusot.
Nasayran sab kang dela Rey, nga adunay mga sakop sa kapulisan ang ipakatag sa mga nagkadaiyang lodging houses ug motel gawas pa sa ilang pahimangno sa mga nanag-iya sa susama nga mga establisyemento nga likayan ang pagpasulod ug mga minor de edad.
Sa higayon nga mosupak ang mga nanag-iya ug lodging houses ingon man mga motel, hayan sumala pa nga mapasakahan ang mga nahisgutan ug kalapasan sa Republic Act (RA) 9208 kon Anti-Trafficking in Persons Act of 2003 samtang ang nagdala sa menor de edad makasuhan og pagsupak sa RA 7610 kon Child Abuse Law.
