DAVAO CITY- Gipasaka na ang kasong may kalabutan sa Estafa through falsification of Public documents, illegal possession of firearms, illegal possession of explosives lakip na ang paglapas sa Indigenous Peoples Rights Act (Republic Act No. 8371 of 1997) batok kang Kapatagan, Digos, Davao del Sur Brgy. Kapitan Juanito βWantoyβ Morales.
Sumala ni Ely Leano, tigpamaba sa National Bureau of Investigation XI, nga karong adlawa gilayong ipasaka ang patong-patong nga mga kaso batok kang Moreles sa Digos City Prosecutorβs Office.
Dugang pa ni Leano, niadtong Oktobre 14, 2022, sulod mismo sa Barangay Hall nadakpan atol sa gilusad nga entrapment operation si Kap. Wantoy human kini naaktuhan nga mipirma sa alegasyong iligal nga pagbaligya sa yutang kabilin.
Samtang laing napulo sab ka mga indibidwal ang nadakpan nga matud pa nalambigit sa transaksyon sa pagpamaligya og mga ancestral lands.
Si Kapitan Morales lakip na ang 11 ka mga dinakpan ang gikustodiya na karon sa NBI XI Detention Facility.
VIA|| Bombo Bryan Chin Abe
