DAVAO CITY – Kapin usa ka milyon ka piso sa illegal nga druga ang narekober gikan sa duruha ka mga indibidwal nga nasikop atol sa gilusad nga drug buy bust operation sa otoridad kagahapon sa hapon sa mga sakop sa Buhangin PNP.
Una ng naila ang mga suspek nga sila si RODMARK BARIQUIT PANTENOPLE alyas “DATU MARS” ug (HVI) DENELYN ATAN BULO alyas JEN residente sa Purok 23, Mintal Relocation, Davao City.
Una ng nakadawat ug impormasyon ang kapulisan kalabot sa binuhatan sa dinakpan hinungdan nga ila gilayong gilusad ang operasyon.
Unang nasabutan ang transaksiyon sa Jade Valley, Tigatto, Buhangin ning dakbayan diin gi-andam na sa otoridad ang Php 1000 nga buy bust money.
Apan nabalhin sumala pa ang transaksiyon gawas sa S & R store nga nahimutang sa Mc Arthur highway, Maa ning siyudad diin kauban niini ang iyang live in partner nga si RODMARK BARIQUIT PANTENOPLE @ “DATU MARS”, High Value Individual (HVI), 29 anyos, laborer, ug residente sa Purok 13, Bugac Maa, Davao City.
Gitunol sa mga nahisgutan ang duruha ka pakete sa ginadili nga druga nga ilang gibaligya sa police nga nagpaka-aron ingnon nga buyer bugti sa marked money.
Dihang gihiling sa kapulisan, kalakip sa mga narekober ang laing unom pa ka mga nagkadaiyang gidak-on sa mga pakete sa illegal drugs lakip na ang non-drugs items ug P1000 nga marked money.
Anaa karon sa kapulisan ang mga nakumpiskang illegal nga druga nga kantidad sa ONE MILLION ONE HUNDRED THOUSAND PESOS (Php 1,100,000) diin isumite kini sa Regional Crime Lab. Ecoland,Davao City alang sa laboratory examination.
Gi-andam na sab ang kasong kalapasan sa RA 9165 batok sa mga suspek.
Gikanayong ang mga nasikop nga mga suspek ang susama nga miyembro sa 4Ps ug SAP beneficiaries.
Sumala pa kang Police Major Estrello Ramiso, hepe sa Buhangin PNP, dugay na nila nga gipanid-an ang mga suspek ayha nila gilusad ang operasyon alang sa pagsikop sa mga nahisgutan.
