DAVAO CITY – Target sa lokal nga kagamhanan nga ipa-ilalom sa libre nga swab test ang moabot sa 1,200 ka mga security guard sa mga pribado ug pampublikong mga establisamento sa dakbayan sa Dabaw.
Gikanayon ni Dr Julinda Acosta, head sa Technical division sa Davao City Health office, gisugdan na kagahapong adlawa ang paghatag ug libre nga RT-PCR test sa nahisgutang mga security guard nga gikonsedera usab nga mga frontliner.
Gumikan kay taas usab ang exposure sa mga nahisgutan gikan sa mga tawo nga mogawas-sulod sa establisamento nga ilang gi-alagaran kinahanglan nga ilakip usab sila sa surveillance swabbing.
Human sa libre nga swab test sa mga security guard, gikanayon ni Acosta nga sunod usab nga target sa city health ang mga vendors sa Sasa Public Market ug ang mga sidewalk vendors sa nahisgutang dapit sugod sa Mayo 13, 2021.
