DAVAO CITY – Kinatibuk-ang 3,553 nga kombinasyon sa security forces nga gipakatag sugod kagahapong adlawa sa Police Regional Office (PRO)-Davao Headquarters Camp Quintin Merecido, Buhangin ning dakbayan sa Davao atol sa inisyal send-off sa mga personahe nga mosiguro sa seguridad sa dakbayan sa Davao alang sa gikatakda nga pagbisita ni Indonesian President Joko Widodo.
Matud pa kang PRO-Davao spokesperson Police Chief Inspector Andrea dela Cerna, nga ang 3,553 security forces ang maggikan sa 24 ka mga ahensiya sa gobyerno nga idestino sa mga nagkadaiyang areas aron nga mamnetina ang kahusay ug kalinaw atol sa pag-abot ni Widodo sa dominggo, Abril 30.
Moadto sa dakbayan si Widodo alang sa iyang one-day official state visit diin manguna sab kini sa launching sa Davao-Bitug-Gensan Roll-on-roll-off sa Kudos Port, Sasa kauban si Pangulong Rodrigo Duterte.
Una ng gipangunahan ang send-off ni PRO-Davao Deputy Regional Director for Administration Police Chief Superintendent Marcelo Morales.
Nasayran sab kang Dela Cerna nga susama lamang ang security measures ang ilang ipatuman dihang mibisita usab sa nasud ni Japanese Prime Minister Shinzo Abe.
