DAVAO CITY – Mokapin sa 500 ka mga police ang ipahimutang sa dinhi sa dakbayan sa Davao aron nga makabot ang panginahanglan sa mgha personahe nga mao ang tugbang sa ngkataas nga populasyon sa dakbayan, ug sa nagkadaghan nga mga tourista.
Gihimo ni Mayor Inday Sara Duterte ang pahayag human sa pagpakigkita niini kang Philippine National Police Chief Dir. Gen. Oscar Albayalde sa milabay nga semana.
Sumala pa kang Mayor Inday nga nakighinabi siya kang Albayalde kalabot sa panginahnglan sa dugang police gumikan sa nagkataas nga populasyon ug sa pagkahimong investment hub sa Davao region.
Sa milabay nga tuig ang bisita nga miduaw sa dakbayan sa Davao mikabat ngadto sa duha ka milyon.
Ang nahisgutan nga ihap misulbong gumikan sa nagkada-iya nga mga conventions ug uban pa nga mg aktibidad diin nahimong host ang dakbayan sa Davao.
Ang pagpahimutang ug dugang police sa Davao tipik sa tipik sa 10 priority agenda – ubos sa peace and order sa dakbayan.
Gisuginlan sab ni Albayalde ang mga reporter nga ang PNP mo-recruit ug mokapin sa dugang 500 ka mga police personnel nga ipahimutang sa dakbayan.
Gisaad sab niya nga sulod ning kasamtangan nga tuig, aprobahan niya ang proposal sa city government sa pagpalapad pa sa Davao City Police Office ngadto sa pagkahimong district office.
Ang proposal nag-awhag kang Albayalde sa pagdugang ug duha ka mga police stations sa dakbayan.
