DAVAO CITY – Nakakolekta og kapin P9.6 million nga kantidad sa mga smuggled nga sigarilyo ang buhatan sa Bureau of Customs ug Task Force Davao, lakip ang siyam ka managlahing pagkakumpiska sa mga border control checkpoints dinhi sa dakbayan sa ikaduhang bahin sa tuig 2022.
Gikanayon ni District Collector Erastus Sandino Austria nga tungod kana sa mas gipalig-on nga kampanya ug pakig-alayon sa mga nahisgutang ahensya.
Kinatibuk-an sa milabayng tuig, nakakuha ang BOC Davao og P245 million nga kantidad sa mga smuggled items sama sa gasolina, sigarilyo, piyesa sa mga sakyanan, produktong agrikultural, ug ubang mga kabtangan nga nakasulod dinhi sa nasud nga walay katugbang nga mga legal nga dokumento.
Napasakahan na ang mga nalambigit niini og kasong paglapas sa Republic Act No. 10863 kon Customs Modernization and Tariff Act.
Saad karon sa BOC Davao nga ilang ipadayon ang kampanya batok smuggling subay na sab sa kamanduan ni Customs Commissioner Yogi Filemon Ruiz ilawom sa pagpangatundanan sa kasamtangang Marcos Jr. administration.
via || Bombo LJF
