Mokabat sa kapin 8 milyon ang kinatibuk-an nga kantidad sa iligal nga droga kon shabu ang nakumpiska sa mga otoridad alang sa tibuok bulan nga operasyon.
Subay sa report sa kapulisan, adunay 325 ka mga operasyon ang gilusad sa managlahing kwerpo sa kapulisan sa tibuok rehiyon mahitungod sa iligal nga droga.
Ang nasampit nga operasyon ang miresulta sa pagkasikop sa 367 ka mga nalambigit sa pagpayuhot og iligal nga droga, nga gilangkuban sa 77 ka mga High-Value Individual samtang adunay 290 ka mga street-level individual ang nadakpan.
Sa kinatibuk-an, anaa sa P8,365,115 milyon ang kantidad sa shabu.
Sumala pa sa kapulisan sa rehiyon nga kini ang bunga sa ilahang gipakusgan nga kampanya inubanan sa pagtahod sa katungod nga dili maduguon nga pagpahigayon sa nasampit nga operasyon nga kini ang epektibong napatuman subay sa mga direktiba ni PNP Chief Nicolas Torre III.
