DAVAO CITY – Gibutyag sa DILG-XI Project Development and Management Unit (PDMU) chief, Engineer Charito L. Cinco, nga anaa sa P508,729,927 ang gitagana nga budget alang sa 77 cleared barangays nga gitumbok sa National Task Force to End Local Communist Armed Conflict (NTF-ELCAC).
Matud pa ni Engineer Cinco, makadawat og pondong P6,606,882 ang matag usa ka barangay aron matuman ang priority project. Subay sa report, adunay usa ka recipient barangay ang Davao City; 10 sa Davao Occidental; 3 sa Davao del Sur; 4 sa Davao Oriental ug 44 sa Davao de Oro.
Subay pa sa memorandum nga gipagawas sa NTF ELCAC, gamiton ang pondo ngadto sa mga konstruksyon sa mga priority projects sama nalang sa farm to market roads, school buildings, water sanitation systems, health stations ug electrification projects.
