DAVAO CITY- Mukabat sa kapin P45,000 ang kantidad sa illegal nga droga ang nasakmit sa Davao City Police Office atol sa gilusad nga drug buy-bust operation sa nagkadaiyang dapit ning dakbayan sulod lamang sa baynte kwarto oras kaniadtong Agosto 2.
Sa upat ka mga operasyon sa kapulisan, unom ka mga indibidwal ang positibong napalitan o illegal nga droga.
Gikan sa Sasa PNP nakumpiska sa mga otoridadang P20,264 nga illegal nga droga kon shabu.
Sa Buhangin PNP nasakmit usab sa mga otoroidad ang P17,068 nga kantidad sa droga.
P6,936 sa Bunawan PNP ug P816 gikan sa Talomo PNP diin sumatotal, niabot kini og P45,084.
Sigon pa sa maong buhatan nga resulta kini sa ilang pagpaningkamot aron mapakgang ang pagkuyanap niini uban ang paghangyo saw katawhan og pagsuporta alang kanila.
Giawhag sa DCPO ang publiko sa pag-practice sa culture of security nga mosumbong sa mga kapulisan kung adunay mamatikdang makadudang aksyon aron gilayon kining marespondehan.
