DAVAO CITY – Kantidad sa P4,000.000.00 nga Marijuana plants sa Tarragona, Davao Oriental ang gipanglarut atol sa gilusad nga duruha ka joint operations sa Philippine National Police-Police Regional Office 11 (PNP-PRO 11), Philippine Drug Enforcement Agency (PDEA) ug uban pang law enforcement unit sa Sitio Pagbaluyan, Brgy. Tubaon, Tarragona, Davao Oriental.
Nalarut sa mga police personnel ang 10,000 fully grown marijuana plants nga gibana-banaang adunay Dangerous Drug Board (DDB) value nga kantidad sa Php 2,000,000.00.
Naila ang mga suspek nga sila si Jorel B. Malintad ug Alejandro Magandam, planter ug maintainer sa nahisgutan nga plantasyon.
Nasayran nag nasikop na kaniadto si Jorel B. Malintad gumikan sa paglapas sa RA 9165 o Comprehensive Dangerous Drugs Act of 2002, apan nahimong gawasnon gumikan kay gi-proseso pa ang kaso niini.
Human ang operasyon, nakadawat ang otoridad ug impormasyon gikan sa informant nga laing marijuana plantation ang nahimutang duol sa Sitio Pagbaluyan, Brgy Tubaon, Tarragona Davao Oriental.
Sa pikas nga bahin laing joint operation ang gipahigayon nga mi-resulta sa paglarut sa dugang pa nga 10,000 fully grown marijuana plants nga adunay DDB value nga kantidad sa Php 2,000,000 o adunay kinatibuk-ang DDB value nga Php 4,000,000.
Naila sab ang suspek nga si Noel Malintad, planter ug maintainer, legal ang pangidaron ug residente sa Sitio Pagbaluyan, Brgy. Tubaon, Tarragona Davao Oriental.
Gikanayong ang tulo ka mga suspetsado ang naka-ikyas atol sa operasyon. Pipila sa mga ebidensiya nga nahipus atol sa paglarut ang ipailalom sa laboratory examinations samtang ang pipila ka mga marijuana plants ang gipangsunog gilayon sa otoridad.
Susama nga mag-atubang ang mga nahisgutan ug kasong kriminal ingon man paglapas sa RA 9165 o Comprehensive Dangerous Drugs Act of 2002.
