Nakompiska ang P27.6 milyon nga kantidad sa shabu sa malampusong operasyon sa Brgy. Francisco, Panabo City, Davao del Norte, diin nadakpan ang duha ka high-value individuals (HVIs) nga giilang Alyas Gang ug Alyas Cesar.
Gipatuman ang operasyon sa kooperasyon sa Panabo City Police Station, Davao Norte Provincial Intelligence Unit (DNPIU), 2nd Davao Norte Provincial Mobile Force Company (2nd DNPMFC), Regional Police Drug Enforcement Unit 11 (RPDEU 11), ug Philippine Drug Enforcement Agency (PDEA) Davao del Norte.
Nakaplagan gikan sa mga suspek ang nagkadaiyang sachets sa shabu nga nagtotal og 4,060 gramos ug may estimated market value nga P27,608,000.00.
Gikumpiska usab sa kapulisan ang P1,000 marked money, P100,000 nga boodle money, usa ka black Manjaru backpack, ug dark-blue Jansport bag nga gigamit sa mga suspek sa ilang ilegal nga kalihokan.
Ang mga nadakpan karon anaa sa kustodiya sa Panabo City Police Station ug nag-atubang og kasong paglapas sa Republic Act 9165 o Comprehensive Dangerous Drugs Act of 2002.
Giingon sa kapulisan nga kini nga dakong nakumpiskang droga usa ka pagpangilog sa operasyon sa ilegal nga droga sa lugar ug nagpakita sa determinasyon sa mga otoridad sa pagpahimulos sa mga high-value targets.
Ang operasyon usa ka ehemplo sa hugot nga pagtinabangay sa tanang ahensya aron mapugngan ang pagdagsa sa illegal drugs sa Davao del Norte ug mapanalipdan ang komunidad gikan sa kadaut nga dala niini.
Gipasabot usab sa PNP ug PDEA sa publiko ang kahinungdanon sa aktibong pakig-alayon ug paghatag og impormasyon aron mapadali ang pagsikop sa mga suspek ug malikayan ang pagpadayon sa ilegal nga kalihokan sa droga.
