-- ADVERTISEMENT --
Plano sa Department of Budget and Management o DBM nga gamiton ang kapin P20 bilyon gikan sa Malampaya gas project aron pondohan ang bulk oil purchases isip tubag sa epekto sa krisis sa Middle East.
Sumala kang DBM Sec. Rolando Toledo, adunay nakagahin nga kapin P210 bilyon gikan sa kasamtangang pondo sa gobyerno, lakip na ang bahin sa General Appropriations Act o GAA.
Kung maapil ang pondo gikan sa Malampaya, posibleng moabot sa P230 bilyon ang magamit alang sa crisis response.
Nagpadayon usab ang koordinasyon sa DBM uban sa Department of Energy aron matuman ang maong plano.
Samtang, padayon nga nakatampo ang Malampaya project sa kita sa nasud nga niabot na sa kapin $13.9 bilyon, sumala sa Prime Energy.
-- ADVERTISEMENT --
