Gipresinta sa mga kasundaluhan ang 101 ka mga peace advocates sa headquarters sa 1001st Infantry (PAG-ASA) Brigade sa dakbayan sa Mati kagahapong adlawa.
Lakip usab sa gipresenta ang mga armas, isip timaan sa kamatinud-anon niini alang sa kalinaw
Ang maong kalihukan ang gipanguhanan ni Brigadier General Vince James D. Bantilan, Commander of the 1001st Infantry (Pag-asa) Brigade, kauban si Gov.Nelson L. Dayanghirang.
Ang maong kalihukan ang usa ka makahuluganon nga lakang padulong sa kalinaw ug reintegrasyon.
Gipakita sa seremonya ang kolektibong paningkamot sa mga ahensya sa gobyerno ug mga kauban nga institusyon aron suportahan ang mga indibidwal nga mopili sa malinawon ug produktibong pagbalik sa ilahang komunidad.
Sa gipahigayon nga programa, mipasalig ang mga advocates sa pag-alagad ug pormal nga gipahayag ang ilahang kamatinud-anon sa balaod sa kinabuhing pribado, nga nagtimaan sa usa ka bag-ong dalan padulong sa kaugmaon.
Ang mga mensahe gikan sa kauban nga institusyon nagpalig-on usab sa kahimanan sa tabang ug mga reintegration program nga gidesinyo aron giya sa ilaha ng transisyon.
Dala usab sa mga giisip nga peace advocates ang mga armas nga timailhan sa ilahang sensiro nga katuyuan sa pagtahan sa ilahang kaugalingon ngadto sa kagamhanan diin suot usab niini puti nga sanina nga timaan usab sa kalinaw.
Nagpasalamat usab ang mga kasundaluhan sa mga opisyal sa kagamhanan sa padayon nga kolaborasyon ug gisiguro sa mga advocates ang suporta sa provincial government pinaagi sa koordinadong serbisyo ug mga development initiatives nga nagtinguha sa pagtukod pag-usab sa kinabuhi ug pagpalig-on sa komunidad alang maayu niining kaugmaon uban ang ilahang pamilya.
