Kapin 900 ka mga aftershocks sa linog, natala sa Davao region sukad pa niadtong Marso 6, ning tuig

DAVAO CITY – Gikabutyag nga mukabat pa sa 952 ang gikatalang aftershocks sa linog nga nahitabo sa Davao region sukad pa niadtong Marso 6 ning tuig kasamtangan.

Anaa sa 146 sa nahisgutang pagtay-og ang plotted o gika-rekord pinaagi sa pasilidad nga gigamit sa Philippine Volcanology and Seismology (Phivolcs).

Samtang mukabat usab sa 18 ang namatikdan sa mga residente, ilabi na sa Davao de Oro ug ang pinakakusog ang mukabat sa magnitude 5.9 nga gikatala kagahapong adlawa. Ikaduha ang magnitude 5.6 ug ikatulo ang magnitude 5.3.

Samtang sa gihimong pagbana-bana sa mga experto, mamahimo pang magpadayon ang aftershocks hangtod sa mosunod nga semana.