DAVAO CITY – Giklaro sa usa ka opisyal sa Department of Social Welfare and Development Davao Region nga miagi sa duplicate check ang kapin 70,000 ka mga pamilya dinhi sa Davao region, isip kwalipakod aron mahimong benepisyaro sa Pantawid Pamilyang Pilipino Program (4Ps) dinhi sa Davao Region alang karong tuiga.
Diin suma ni Arvin Kent Yu, Regional Information Technology Officer sa buhatan, nalakip sa listahan ang mga pamilya isip labing kabus nga napili sulod sa 73,598 ka mga potentional household nga kabahin ika-12 nga han-ay sa mga 4Ps beneficiaries. Sulod sa maong ihap, 14,655 gikan sa Davao city; Samtang 12,047 nagagikan sa Davao De Oro. 14,020 alang sa Davao Oriental ; 13,614 sa Davao Del Norte; 8,980 gikan sa Davao Occidental ; ug 10,282 gikan sa Davao Del Sur.
Samtang gikabutyag sab ni Ricky Tijon, Regional Beneficiary Data Management Officer sa ahensya, nasa dul-ang 24,000 ka mga pamilya ang gipapapha na sa listahanan tungod sa mga nasayrang pagpangilad, inaktibo o dili pagka-kwalipikado alang sa programa. Tumong usab sa DSWD ang marehistro ang anaa sa 4.4 milyon ka mga pamilya karong tuiga nga puros aktibo nga mahimong benepisyaryo sa 4Ps.
