DAVAO CITY – Nakatala og 721 ka mga bag-ong kaso sa COVID-19 ang Davao Region kagahapong adlawa, subay sa datos gikan sa Department of Health XI.
Sa nahisgutang ihap, 385 ang gikan sa Davao City, 159 gikan sa Davao del Norte, 72 gikan Davao del Sur, 42 gikan Davao Occidental, 34 gikan Davao de Oro, ug 29 gikan Davao Oriental.
Anaa na karon sa 20,722 ang mga aktibong kaso sa rehiyon.
Samtang, 399 ang mga naulian gikan sa COVID-19, diin 309 ang gikan Davao City, 88 sa Davao Oriental, ug duha gikan Davao de Oro.
Aduna usab 11 ka mga nakalas, diin lima ang new death cases samtang unom ang late reported death cases. Tanang mga natalang kaso sa rehiyon kagahapon, pulos local cases.
Sa pikas bahin, anaa sa 22.5 percent ang bakante nga ICU beds, 36.9 percent ang sa Isolation beds, 20.1 percent sa Ward beds, ug 60.3 percent ang available sa mechanical ventilators.
