Mokabat sa kapin 7 milyon ang nakumpiska nga iligal nga droga kon shabu atol sa gilusad nga drug buybust operation sa mga operatiba sa Maa PNP kaganihang kaadlawon.
Subay sa report sa kapulisan, nadakpan sa nasampit nga operasyon sa mga operatiba ang giisip nga usa ka high-value individual (HVI) nga nailhan isip alyas “Alex” hamtong ang panuigon.
Gilusad ang operasyon sa Purok 28, Barangay Ma-a, kaganihang kadlawon nga miresulta sa pagkakumpiska sa iligal nga droga kon shabu nga nagkantidad sa kinatibuk-an og ₱7,140,000.
Nareober usab sa kapulisan ang buybust money ug ang cellphone nga gigamit sa transaksyon.
Atol sa pagkasikop sa nahisgutang dinakpan, gisubay usab ni Acting City Director PCOL Mannan C. Muarip ug gipasalig ang kanunay nga pagpaningkamot sa mga kapulisan aron nga mababagan og masumpo ang kalihukan sa iligal nga droga.
Sumala pa sa kapulisan nga ang nasampit nga dinakpan ang nagbalik-balik na sa bilangguan tungod gihapon sa susamang kalambigitan.
Karong adlawa, gikatakda kini nga pasakahan og kaso sa piskalya nga pagsupak sa RA 9165.
