Mokabat sa P680,000 ang nakumpiska nga iligal nga droga batok ngadto sa usa ka dalaw sa Davao Prison and Penal Farm (Dapecol) sa Barangay Tanglaw, Braulio E. Dujali, Davao del Norte.
Subay sa report sa kapulisan, gisulayan sumala pa sa usa ka babae nga suspetsado nga mopalusot og kontrabando sa nasampit nga pasilidad apan nababagan kini atol sa gipahigayon nga pagkapkap sa mga personahe sa Bureau of Corrections.
Nakumpiska ang usa ka dakong pakete sa iligal nga droga kon shabu nga gibalot sa itom nga electrical tape ug gitago sa tuo nga bahin sa bulsa sa pajama sa suspetsado.
Sa karon ang dinakpan ang anaa na sa kostudiya sa kapulisan sa Braulio E. Dujali sa Davao del Norte Police Provincial Office (DNPPO) alang sa pagpasaka og kaso nga kasupakan sa RA 9165.
Gipasalamatan usab ni Brigadier General Leon Victor Rosete, ang Police Regional Office XI director, sa dali nga pagtagad nga gihimo sa kapulisan sa BuCor kabahin sa nakumpsika nga kontrabando.
