Gipahayag ni Pangulong Ferdinand Marcos Jr. nga mosobra sa 600,000 ka mga pamilya ang nakaabot sa self-sufficiency pinaagi sa Pantawid Pamilyang Pilipino Program (4Ps).
Sumala pa sa pangulo, nakatabang ang nahisgutan nga programa sa edukasyon ug panglawas sa mga bata pinaagi sa conditional cash grants.
Samtang kaniadtong milabay nga tuig, musobra sa 4 milyong ka tawo ang natabangan sa 4Ps.
Samtang, gilusad usab sa Department of Social Welfare and Development (DSWD) ang “Kaagapay Donations Portal,” usa ka digital platform aron mapadali ang pagpadala ug donasyon sa mga nanginahanglan.
Gawas niini, gipaila-ila usab sa DSWD ang usa ka virtual one-stop shop alang sa mas paspas nga proseso sa ilahang regulatory services, lakip na ang mas gipadali nga aplikasyon sa travel clearance sa mga menor de edad nga mubiya sa nasud.
