DAVAO CITY – Mikabat sa 69 ka mga indibidwal gikan sa Barangay Tomas Monteverde sa Agdao District ang gidala sa temporary treatment and monitoring facility (TTMF) human nga nagpositibo sa corona virus.
Sumala pa kang Public Safety and Security Command Center (PSSCC) head Angel Sumagaysay, misaka ang nahisgutan nga ihap gikan sa 65 nga una ng gika-report sa City Government. Gikanayong ang 69 susama nga gikan sa Purok 8.
Apan sa pinakabag-ong update ni Sumagaysay, misaka kini sa 69 diin 66 niini ang gikan sa Purok 8, samtang ang laing tulo ang gikan sa duruha ka mga wala mailhing purok apan sakop pa gihapon sa Tomas Monteverde.
Hinuon gikanayon sa opisyal nga premature nga ibutyag kung ang Purok 8 maoy “epicenter” sa Covid-19 transmission sa barangay.
Kahinumduman gipatuman ang purok lockdown sa maong dapit sukad kaniadtong lunes gumikan sa daghanang natakdan sa virus.
Samtang gibutyag sab sa PSSCC head nga wala pa silay nadawat nga mga untoward incident sukad nga gipailalom ang maong area sa lockdown.Mitamud sab sumala pa ang mga residente sa mandatory lockdown human nga gipasabot ang mga nahisgutan kung nganong gipatuman ang maong lakang sa ilang lugar.
Gibutyag sab ni Dr. Josephine Villafuerte, head sa City Health Office (CHO) nga kalakip sab sa ilang gimonitor karon ang kasikbit nga Purok sa maong dapit sanglit digkit lamang ang mga panimalay ug usa lamang ang dalan nga pasulod ug paggawas sa lugar nga usa sa mga taas ang risgo nga pagtakod-takod sa virus.
