Mokabat sa kinatibuk-an nga P6.4 milyon nga kantidad sa shabu ang nasakmit ug 190 ka drug personalities ang nadakpan sa anti-criminality efforts sa Davao City Police Office (DCPO) alang sa bulan sa Agosto 2025.
Sumala ni Acting City Director Col. Mannan C. Muarip, ang DCPO nakahimo og 168 ka mga anti-drug operations, nga misangpot sa pagkumpiska sa 2,764 ka gramo sa shabu ug 906 ka gramo sa marijuana, nga may total street value nga ₱6,492,736.32.
Kinatibuk-an usab ang 219 ka drug-related cases ang na-file sa korte.57 ka operasyon batok sa il nga sugal ang gihimo, diin 63 ka tawo ang nadakpan ug ₱19,724 nga kantidad sa pusta ang nakumpiska.
Ang tanang 57 ka kaso gisang-at sa korte.Tungod sa intensipikadong manhunt operations, ang DCPO nakadakop og 185 ka wanted persons, lakip na ang 69 ka most wanted individuals.
Sa laing bahin, 32 ka operasyon kabahin sa loose firearms ang gipahigayon, nga misangpot sa pagdakop sa 11 ka mga tawo ug pagkumpiska sa 14 ka pusil.
Dugang pa, 11 ka pusil ang boluntaryong gisurender, ug 10 ang gihatag alang sa safekeeping.
Napulo ug usa (11) ka kaso ang na-file sa korte kabahin niini.
Gipasalamatan usab ni Col. Muarip ang lig-on nga kolaborasyon sa kapulisan, komunidad, mga opisyal sa barangay, ug lokal nga kagamhanan, nga iyang giila nga dakong hinungdan sa ilahang kalampusan.
