DAVAO CITY – Gikatakda sumala pa nga musulat ang Southern Philippines Medical Center (SPMC) ngadto kang Sec. Carlito Galvez Jr. aron nga hangyuon kung mamahimong ibalik pag-deploy sa hospital ang AFP ug BFP nurses kini human nga nagkulang na sab ang mga frontliners nga mu-atiman sa pasyente nga natakdan ug covid-19 human nga mikabat na matud pa karon sa kapin 500 ka mga nurse sulod lamang karung tuiga ang nangatakdan na sab kagaw.
Sumala pa kang SPMC chief. Dr. Ricardo Audan nga kini sab ang hinungdan nga limitado lamang una ilang mahatag nga serbisyo sa uban pa nga mga pasyente ug temporaryo na sab nila karon nga gihunong ang ilang face to face consultation.
Nasayran sa nahisgutan nga naka-isolate na karun ang mga nagpositibo diin mikabat na kining tanan sa 510 diin 86 niini ang mga medical technologies hinungdan nga wala unay ipahigayon nga swabbing ang hospital alang sa surveillance testing inay gilimitahan lamang una nila ang testing sa mga watchers ingon man sa mga pasyente.
Gani maglisud na sab sumala pa sila karun nga e-expand ang ilang hospital beds alang sa mga covid-patient kini tungod sa kakulang nila ug mga personahe.
Nakiglambigit na sab ang SPMC sa uban pang mga pribadong hospital sa siyudad aron nga mudawat na sab ug mga covid-19 patient.
Bisan nga walay ipahigayon nga face to face consultation, apan mamahimo sumala pa nga mudawat ang SPMC ug teleconsultation o magpa-check up pinaagi sa online.
