Nagpahibalo ang Zimbabwe nga muihaw sila og kapin 50 ka mga elepante isip bahin sa ilahang lakang aron makontrol ang nagkataas nga populasyon sa mga elepante.
Sumala pa sa Zimbabwe Parks and Wildlife Management Authority (ZimParks), ang karne gikan sa mga pang-ihawon nga elepante ipanghatag ngadto sa mga lokal nga komunidad, samtang ang ivory tusk magpabilin nga propiedad sa gobyerno.
Ang pag-ihaw himuon sa Save Valley Conservancy, usa ka dako nga pribadong game reserve sa habagatang-sidlakan sa nasud, diin subay sa 2024 aerial survey adunay 2,550 ka elepante nga nagapuyo sobra sa gibanabanaan nga 800 nga ecological carrying capacity niini.
Bisan pa man nga nakalihok na og 200 ka elepante ang conservancy ngadto sa lain nga lugar, giingon sa mga opisyal nga wala na’y igong puy-anan nga duol ug walay lain elepante. Busa napugos silang maghimo og “elephant management exercise.”
