DAVAO CITY – Gipang-isolate na karon ang mga call center agents sa usa ka BPO company nga nakatala ug daghanang kaso sa Covid-19.
Gani temporaryo una kini nga gi-lockdown ug gihunong ang operasyon aron masiguro ang kaluwasan sa ilang mga empleyado ug mapugngan ang transmission sa kagaw.
Una niini nagpahimangno si Davao City Mayor Sara Duterte-Carpio ngadto sa mga nagdumala sa private companies nga siguruhon ang kaluwasan sa panglawas sa ilang mga empleyado ug motamud sa sakto nga health protocols.
Kahinumduman nga usa ka wala hinganli nga BPO company ang nagpahigayon ug surveillance testing sa ilang kapin 1,000 ka mga empleyado ug migula sa resulta nga anaa sa 403 niini ka mga agents ang nangatakdan sa kagaw.
Una ng nanganti ang Mayor nga mamahimong mag-atubang ug reklamo ang usa ka kompanya sa higayon nga wala kini mitamud sa kamandoan.
