DAVAO CITY – Gibutyag sa DOH Davao Region nga mikabat na sa 371, 730 ka mga bakuna batok Covid-19 ang ilang gipangapod-apod sa lain-laing rehistradong vaccination site sa rehiyon as of May 25, 2021.
Gikanayong sa una nga dose sa bakuna, adunay 95,240 nga ihap sa coronaVac ang napud-apud, 132,000 sa AstraZeneca, samtang 14,625 sa pfizer.
Samtang anaa sa 68% niini ang nagamit sa Eligible priority A1 hangtod sa A3. Sa Second dose, 95,240 sa coronaVac ang nabakuna, 20,000 sa astrazeneca, 14,625 sa pfizer diin nabakuna sa mga Eligible priority A1 hangtod A2 ang 31% niini.
Gumikan kay abli na karon ang pagparehistro sa mga buot magpabakuna, gi-awhag sa ahensiya ang publiko ilabi na ang mga taga-dakbayan sa davao nga magparehistro na online aron nga mahatagan kini ug schedule kung kanus-a magpabakuna.
Una na sab nga gibutyag ni Davao City Mayor Inday Sara Duterte Carpio nga sa third quarter ning kasamtangan nga tuig, moabut ang dugang bakuna nga Astrazeneca nga gipalit sa dakbayan.
