Gibarugan sa National Telecommunications Commission (NTC) Davao region nga irekomenda nila ang pagpasara sa kapin 30 ka mga radio stations latas sa rehiyon gumikan kay wala sumala pa kini gihuptan nga mga lisensiya luyo sa ilang nagpadayon nga operasyon.
Una ng gibutyag ni Nelson Cañete, regional director sa NTC, nga nagpagula na sila ug cease and desist order batok sa nahisgutan nga radio station ug ila kini nga imonitor.
Una ng nasayran sa opisyal nga nagpahigayon sila ug ocular investigation sa nahisgutan nga estasyon sa radyo ug nasubay nga adunay nahimong mga kalapasan ang mga nahisgutan.
Gikanayong sagad sa mga radio station nga ipasara ang gipanag-iyahan sa mga politiko sa mga lalawigan.
Hinuon aduna sumala pay pipila ka mga estasyon sa radyo ang boluntaryo na nga nagsara sa ilang mga buhatan gumikan kay sayod ang mga nahisgutan nga dili nila mamahimong ipadayon ang ilang operasyon.
