DAVAO CITY – Nakatala sa kapin 2,000 nga mga quarantine violators sa ikaduhang adlaw sa Modified Enhanced Community Quarantine (MECQ) sa syudad ang Davao City Police Office (DCPO).
Kaniadtong Hunyo 6, gisikop sa DCPO ang 313 ka mga indibidwal tungod sa paglapas sa curfew, 297 sa social distancing, 716 sa wala pagsul-ob og facemask ug 747 sa wala paggamit og face shield, tulo alang sa non-essential travel, ug 75 ang pagsakay ug motorsiklo nga wala’y barrier.
Nagpahinumdum sa publiko ang direktor sa DCPO nga si Col. Kirby John Kraft nga ang usa ka istrikto nga pagpatuman sa mga lakang sa quarantine sa MECQ magpadayon hangtod Hunyo 20.
Sa pagkakaron, adunay 44 nga quarantine control point nga gidumala sa pulisya ug sa Task Force Davao sa nagkadaiyang mga lugar sa syudad diin kadaghanan niini nahimutang duol sa mga merkado.
Dugang pa ni Kraft nga mas labing maayo kung magpondo sa balay ug likayan ang paggawas kung dili mahinungdanon ang maong lakaw aron nga malikayan ang tinakdanay.
