Nagpahibalo karon ang Department of Labor and Employment-Davao Region (DOLE-Davao) nga mag-abri sila og kapin 2,000 ka job vacancies sa umaabot nga Kalayaan Job Fair karong Hunyo 12, 2025.
Sumala ni Atty. Randolf Pensoy, ang Regional director sa DOLE-Davao, nga anaa sa kinatibuk-an nga 2,453 ka mga trabaho ang itanyag atol sa maong kalihokan.
Sa maong ihap, 1,399 niin i mao ang local jobs, samtang 1,054 ang overseas employment opportunities. Gipahibalo usab sa opisyal nga 680 ka mga aplikante ang daan nang naka-pre-register.
Ang top 10 local job openings naglakip sa mosunod: Customer support staff / service representatives (BPO), Cashiers / tellers, Customer service assistants / front desk clerks, Baggers, Service crew / waiters, Heavy equipment mechanics, Hydraulic mechanics,Heavy equipment drivers (backhoe/dump truck), Production workers, Mga posisyon sa civil engineering.
Sa overseas employment, ang top 5 vacancies mao ang: Branch managers, Waiters, Welders, Registered nurses, Security guards. Ang mga nasud nga destinasyon sa trabaho sa gawas mao ang: United Arab Emirates (UAE), Saudi Arabia, Bahrain, Croatia, ug Japan.
Sumala pa ni Suzette Jane A. Antiveros, focal person sa regional employment program, misaysay nga usa sa mga highlight sa karong tuiga nga job fair mao ang inclusion sa mga trabaho alang sa high school ug senior high school graduates.
Dinhi sa dakbayan sa Davao ilusad kini sa SM City Davao Ecoland gikan 7:00AM handtod 5:00PM.
Samtang sa ubang mga lugar dinhi sa rehiyon adunay schedule sa mga sangang buhatan sa DOLE-11
Samtang aduna silay 886 ka mga job vacancies gikan sa 10 ka mga kumpanya nga abri alang sa mga aplikante nga high school level.
Niadtong 2024, 730 ang nirehistro, diin 487 ang kwalipikado, 145 ang hapit na ma-hire, ug 83 ang nahire gilayon sa mismong adlaw kon hired on the spot.
Ipahigayon ang Kalayaan Job Fair sa SM City Davao, Ecoland nga magsugod alas 7:00 sa buntag hangtod sa alas 5:00 sa hapon
