DAVAO CITY – Nakadawat og cash assistance ang 200 ka mga katabang gikan kang First Congressional District Representative Paolo Duterte atol sa pagsaulog sa Department of Labor and Employment’s (DOLE) Kasambahay Day.
Gipangunahan sa anak sa kongresista nga si Rodrigo Duterte ll, ang paghatag ug cash assistance. Gipahayag ni Rodrigo Duterte ll, abre ang buhatan sa amahan niini nga mao ang First Congressional District Office alang sa mga nanginahanglan og tabang, dili lang sa mga taga unang distrito apan bisan kadtong nagagikan sa laing distrito ang gitabangan ni Rep. Paolo Duterte.
Samtang gipasalamatan usab sa kongresista ang DOLE–11, Department of Education (DepEd), Philippine Health Insurance Corporation (PhilHealth), Pag-Ibig Fund ug Social Security System (SSS) nga nagtinabangay arun mahatagan og maayong pagtagad ang mga kasambahay.
