DAVAO CITY- Nakaandam na ang kapin 200 ka mga personahe sa Davao City Police Office (DCPO) alang sa mga posibleng rally sa Freedom Park, ning dakbayan, karong adlawa.
Ang maong rally ang ginalauman na sa mga kapulisan dungan sa ipahigayong State of the Nation Addess (SONA) ni Pangulong Ferdinand “Bongbong” Marcos Jr.
Pagpaklaro ni P/Capt. Hazel Tuazon nga kini aron mabantayan ang safety and secrity sa mga rallyista lakip na sa mga motorita nga nagalawig sa maong kadalanan.
Dugang pa sa opisyal nga ang maong lakang ang labing mahinungdanon aron malikayan ang mga kagubot ug dili maayong panghitabo.
Una nang gikabutyag ni Davao City Mayor Sebastian Baste Duterte atol sa Maisug Prayer Rally nga walay igong plataporma si PBBM rason nga gitagna na niini ang pabalik-balik nga hisgutanan sa WPS.
Hinoon, malaumon gihapon ang pipila ka mga dabawenyo nga mahigsutan ni PBBM ang problema sa bugas, presyo sa mga palaliton, lakip na ang kabahin sa sweldo.
