DAVAO CITY – Malipayon nga gi-turn over sa Department of Agriculture Regional Field Office XI ang usa ka unit sa 90 HP 4WD Farm Tractor ug uban pang kahimanan nga nagkantidad og P2,950,000.000 alang sa Bantacan Small Coconut Farmers Cooperative (BASCOFACO) sa Bantacan, New Bataan, Davao de Oro.
Mitambong sa maong aktibidad si Field Operations Divisions Chief Marie Ann M. Constantino isip representante ni DA-XI Regional Executive Director Abel James I. Monteagudo.
Sa maong seremonya, gihingusgan ni Constantino nga tumong sa DA XI nga pakusgan pa ang kanunay nga paghatag og suporta sa mga key players sa agricultural sector sa rehiyon sama na lamang sa mga local farmers pinaagi sa sustainable agricultural mechanization nga adunay mahinungdanong papel aron muubos ang production costs samtang ginahimong maayo ug ginapadaghan ang abot.
Naglaum na lamang ang buhatan nga gamiton sa saktong pamaagi sa mga recipients ang mga makinarya ug ipanaad nga ma-mintina ug hapsay kini nga ma-manage.
BY BOMBO ALLIANNE SILAO
