Mokabat sa kapin P2M nga smuggled cigarettes ang nakumpsika sa mga otoridad atol sa operasyon.
Subay sa report sa gikan sa kapulisan, adunay gipahigayon nga pagsilbi sa warrant of arrest batok sa usa ka alyas Badi gumikan sa kasong Statutory Rape sa Brgy. Astorga, Sta. Cruz, Davao Del Sur.
Apan nakita sa mga otoridad kilid sa karsada nga adunay usa ka indibidwal nga nagplastar sa mga kinarton nga palusot sa sigarilyo kilid sa daplin sa kadalanan sa mga panimalay.
Gipangayuan sumala pa ug papeles ang wala panganling lalaki apan wala kini nakahatag.
Hinungdan nga gidakop kini sa ga otoridad gumikan sa kaso nga pagsupak sa Republic Act 10643 (The Graphic Health Warnings Law) ug Republic Act 12022 (The Agricultural Economic Sabotage Act).
Nasayran nga sa kinatibuk-an mokabat sa P2,250,000 ang kantidad sa gituohang palusot nga sigarilyo.
