-- ADVERTISEMENT --
Nasakmit sa mga sakop sa Task Force Davao (TFD) ug Davao City Police Office (DCPO) ang kapin P2 milyon nga kantidad sa smuggled cigarettes nga misulay og agi sa PNP–AFP fixed checkpoint sa Eden, Davao City, alas 7:20 kagabii.
Nakumpiska sa mga otoridad ang 2,700 ka reams sa Bosque brand nga iligal nga sigarilyo.
Human sa operasyon, giturn-over dayon kini sa Bureau of Customs Region XI aron sa hustong disposisyon ug imbestigasyon.
Ang mga dinakpan karon gipaslak sa Eden Police Station ug mag-atubang og kaso nga kalapasan sa Republic Act 10863 o Customs Modernization and Tariff Act (CMTA).
Gitutukan karon sa mga otoridad ang padayong kampanya batok smuggling nga naglambigit sa mga sigarilyo, ilabi na sa mga agianan padulong Davao City.
-- ADVERTISEMENT --
