DAVAO CITY – Nagka-daghan na karon ang mga katawhan nga na-serbisyuhan sa Libreng sakay sa gobyerno pinaagi sa Land Transportation Franchising and Regulatory Board (LTFRB) latas sa nagkadaiyang bahin sa Davao Region.
Subay sa labing ulahi nga record sa LTFRB, kinatibuk-ang 2,464,213 ka mga tawo na ilalom sa ika-tulo nga hugna o phase 3 sa Libreng sakay sa gobyerno sa tibuok Davao region ang nakabenepisyo niini.
Gikanayon sa LTFRB nga ilalom sa nahisgutang programa, nagbaton sila ug kinatibuk-ang 49 ka mga rota. Samtang, moabot usab sa 21 ka mga rota ang gibatok sa mga Public utility buses alang sa 21 ka mga rota diin 226 ka mga units ang nagabyahe, traditional utility van express (TUVE) nga adunay 8 ka rota ug 124 units; traditional public utility jeepney (TPUJ) nga adunay 20 ka rota ug 300 ka mga units.
Ang mga rota sa LTFRB alang sa libreng sakay sa downtown area sa dakbayan sa Dabaw, ang gilangkuban sa Mandug paingon sa SPMC ug vice versa, San Pedro St. paingon Mandug ug vice versa, Acacia (Indangan)- JP Laurel- Bankerohan , Toril-SPMC agi sa Quimpo Blvd. ug vice versa, Toril-SPMC agi sa Libby Road/Diversion, Lasang -Quirino ug Toril- Downtown pabalik.
Duna usab kini mga byahe gikan davao city paingon sa Digos City, Malita, Bansalan, Buda, Tagum City, Mati City, Kapalong, Laak, Nabunturan, Compostela Valley, Maragusan, New Bataan, Monkayo, ug vice versa.
Usa kini ka nationwide program nga molungtad hangtud sa June 30, 2022.
