Nahimo nang “deemed submitted to plenary” ang PHP2.037-billion nga proposed budget sa Office of the Vice President (OVP) human nga maaprubahan sa Senate Panel deliberations kagahapong adlawa.
Nagpakita usab ug pagsuporta ang mga senador sa maong panukala nga budget ug nagpasalamat usab kang Vice President Sara Z. Duterte sa pagpatuman sa mga nagkadaiyang programa nga kinahanglan sa kadaghanang mga Pilipino.
Gikatakda nga ipatuman sa OVP ang duha pa ka mga programa sa musunod nga tuig nga gilangkuban sa “Educational Assistance Program” ug “Wheelchair Program” ngan nakita ni Estrada nga aduna mas daghang mga Pilipino ang matabangan.
Alang usab kang Senate Majority Francis Tolentino, ang nahisgutang panukalang budget sa OVP maoy nagapamatuod na kung paunsa mapahimuslan sa usa ka buhatan sa gobyerno ang mga serbisyo niini bisan paman nga adunay limitadong budget.
Ang nahisgutang panukalang budget, maoy magahatag ug pamaagi sa OVP aron nga mapadayon ang pagpadagan sa mga satellite ug extension offices niini, lakip na usab ang pagpalapnag sa mga serbisyo alang sa katawhan, sama sa “Libreng Sakay (Libreng sakay)” Program, Disaster Relief Operations, Pagbabago: A million Learners and Trees Campaign, Pansarap Project, Relief for Individuals in Crisis and Emergency Program, MagNegosyo Ta ‘Day Program, ug pwede kang maging VP Program.
