Kapin 150 ka false killer whale, na-stranded sa usa ka baybayon sa Australia

Musobra sa 150 ka mga false killer whales ang na-stranded sa usa ka isolated nga baybayon sa Tasmania, Australia.

Sa inisyal nga impormasyon sa mga awtoridad, nadiskobrehan nga 136 sa mga killer whales ang buhi pa.

Wala pa nasayran ang hinungdan sa pagka-stranded sa mga whale sa gikonsidera nga isolated island sa Australia.

Ang false killer whale ang usa ka endangered species nga muabot sa 6.1 metros ang gitas-on ug adunay gibug-aton nga hangtod sa 1,361 kilos.

Susama sa hitsura niini ang killer whales ug sagad makita sa mga tropical ug subtropical ocean o sa halawom nga kadagatan, matud pa sa U.S. National Oceanic and Atmospheric Administration.