DAVAO CITY – Nagkantidad nga P195,000 sa gitouhang shabu ang nasakmit pinaagi sa gipahigayong buy bust operation sa mga sakop sa PDEA XI-Davao Occidental Provincial Office, Davao del Norte Provincial Office, Tagum City Police Station ug Coast Guard Intelligence Group-Southeastern Mindanao sa Purok Cadena de Amor, Mangga Brgy. Visayan Village, Tagum City, alas 4:50 kaganihang kaadlawon.
Ang maong iligal nga druga ang adunay gimbug-aton nga kapin kun kulang 13 gramos diin nakuha gikan nila Jose Giltendez Hinggo, 26 anyos, ulitawo, pump attendant ug residente sa Visayan Village; King Fahad Mangondato Sansarona, 28 anyos, minyo, contractor sa Davao Light ug residente sa dakbayan sa Davao; Jomar Benaning Matarando, 30 anyos, minyo, security guard ug residente sa Visayan Village ug ang babayeng drug den maintenir nga si Janette Honey Paolo, 33 anyos, minyo, walay trabaho ug nanimuyo sa nasangpit nga lugar.
Gikustodiya na karon ang mga dinakpan sa kwerpo sa kapulisan ug gikatakdang mag-atubang og kasong kalapasan sa Sec. 5, 6, 7, 13 ug 14 sa RA 9165 o Comprehensive Dangerous Drugs Act of 2022.
BY BOMBO ALLIANE SILAO
