DAVAO CITY – Nibalik na sa pag-operate ang kapin sa napulo ka mga resorts sa island garden city of samal (IGACOS) human nga kini ang temporaryong gipaserad-an niadtong milabay nga bulan gumikan sa pagsaka sa kaso sa covid 19 sa isla.
Kini human nakadawat ang mga nahisgutan ug certificate of Authority to operate gikan sa Department of Tourism isip mga staycation resorts.
Labot niini, nanawagan ang lokal nga kagamhanan sa IGACOS ngadto sa nahisgutang mga resorts nga hugot ipatuman ang minimum health standards aron dili mamahimong rason sa subling pagdaghan sa kaso sa covid 19 sa isla nga posibli na usab nga hinungdan sa pagserado sa tourism industry sa Samal island.
Kahinumduman nga gi-undang ang tourism activity sa samal island niadtong June 1 hangtud June 14, 2021 aron malikayan ang pagtakod-takod sa coronavirus disease.
