DAVAO CITY – Anaa na karon sa kustodiya sa Regional Crime Laboratory sa Ecoland ning dakbayan sa Davao ang mga nakumpiskang ginadili nga druga nga kantidad sa kapin usa ka milyon kini aron nga ipailalom sa laboratory examination.
Kahinumduman nga una ng gilusad sa mga presonahe sa Buhangin Police Station ang buy-bust operation sa Number 301 Sampaguita Street, Km-5, Buhangin ning siyudad.
Malampuson nga nasikop sa maong operasyon ang duruha ka mga high valued targets nga nailang si RICKY UMBAJIN BUSTAMANTE, nga kalakip sa DI watchlist isip High Value Individual (HVI), 40 anyos, ulitawo, lalaki, electrician ug MIGUELITO OMBAJIN BUSTAMANTE, nga kalakip sab sa DI watchlist, High Value Individual (HVI), 37 anyos, minyo, waay trabaho ug susama nga residente sa Number 301 Sampaguito Street, Km-5, Buhangin, ning siyudad.
Nakumpiska sa posisyon sa mga suspek ang 18 ka mga pakete sa ginadili nga motimbang ug kapin kun kulang 90 grams ug adunay street market value nga kapin usa ka milyon ka pesos.
Gi-andam na sab ang kasong kalapasan sa RA 9165 batok sa mga nasikop nga suspek.
