Nakaangkon og kadaot ang usa ka kapilya sa munisipalidad sa Caraga, Davao Oriental.
Subay sa gipahigayon nga Rapid Damage Assessment and Needs Analysis o RDANA sa nagkadaiyang LGU sa probinsya sa Davao Oriental human sa pagtay-og kagahpon, nasuta niini ang danyos sa maong kapilya.
Sa gipahigayon nga on-site inspection sa mga personahe sa Bureau of Fire Protection Caraga Fire Station makita ang pagkahugno sa mga hollow blocks ilabi na sa atubangan nga bahin sa kapilya sa Senior San Lucas Chapel sa Sitio Balete Brgy. Santiago, Caraga, Davao Oriental.
Samtang nakitaan usab og mga kadaot ubang bahin niini diin nakaangkon og mga dagkong liki ug pagkabungkag sa mga hollow blocks.
Sa pagkakaron, nagpadayon pa usab ang pagpanubay sa uban pang bahin sa nasampit nga munisipalidad aron masuta ang sitwasyon sa mga istruktura.
Kahinumduman nga gitay-og sa magnitude 6.4 magnitude nga linog kagahapong adlawa ang nasampit nga probinsya nga anaasa gilay-on nga 47 kilometros gikan sa kabaybayunan sa munisipalidad sa Manay.
