DAVAO CITY – Bisan nga mitamud ang Davao City Water District sa ilang saad kang City Mayor Sara Duterte-Carpio nga magpahimutang ug dugang nga 20 tonner water tankers sa Deca Homes ug Emily Homes sa Cabantian sa milabay nga semana, malisdan sumala pa kini pagmani-obra sulod sa subdivisions tungod sa mga pig-ot nga dalan sa lugar.
Kini sumala pa ang hinungdan nga kinahanglan temporaryo una nila nga e-alternate ang paghatud ug tubig sa Deca Homes ug Emily Homes gamit ang ilang DCWD water tanker.
Plano karon sa ahensiya nga mangita ug lain nga water tanker aron nga padayon ang ilang pag-suppy ug tubig sa lugar.
Gitino sa kadumalahan sa DCWD nga temporaryo lamang ang water delivery sa duruha ka mga subdivisions samtang padayon pa ang ilang bidding alang sa pag-arkila ug tankers nga mamahimong makakarga ug 800 cubic meters nga tubig sa ilang DCWD Cabantian Reservoir.
