Gipaklaro ni Kap. Edwin Fiel sa Barangay Bantol, Marilog ning dakbayan nga wala matud pa nagpahibalo ang grupo nila Coun. Nonoy Al-ag atol sa gipahigayong food pack distribution sa DSWD kagahapon, Pebrero 23 ning tuiga.
Matud pa ni Kap. Fiel nga ang sulat nga gipadala sa iyang opisina gikan kang Coun. Al-ag wala magtukma sa petsa ug adlaw kanus-a gipahigayon ang aktibidad.
Samot sa gipalagan ni Kap. Bantol ang trapiko nga namugna gumikan way saktong komunikasyon ang grupo ni Coun. Al-ag.
Ayha pa man ang maong aktibidad, daan na matud pang giklaro sa maong kapitan nga tugutan niini ang pagpanghatag og ayuda, apan di pwedeng makita ang presensiya sa bisan kinsang politiko.
Apan, depensa ni Coun. Al-ag nga gumikan sa maong kondisyon, wala nakaplastar og tarong iyang mga kauban rason nga nagkulgot ang mga sakyanan ug ang mga benepisyaryo.
Sa karon, wala pay pormal nga pamahayag nga gipaguwa ang kampo ni Coun. Al-ag.
