Miabot na sa kapin P2.93 bilyon ang kantidad sa kadaot nga nahibilin sa sunod-sunod nga mga bagyo sa sektor sa agrikultura sa nasud.
Base kini sa report sa Department of Agriculture Disaster Risk Reduction and Management Operations Center, nga natipon sa kantidad sa kadaot nga gihimo sa bagyong Mirasol, Super Typhoon Nando, Severe Tropical Typhoon Opong, ug sa mga pag-ulan nga dala sa habagat.Dako nga bahin sa kadaot ang natala sa industriya sa humay (rice industry).
Subay pa sa datos sa DA, miabot sa 102,000 ka mga mag-uuma ang natumbok nga naapektuhan, samtang ang gitas-on sa kadaot ang gilangkuban sa kinatibuk-ang 84,267 ka ektarya nga umahan.
Ang sagunson nga bagyo usab nakaguba sa kinatibuk-ang 213,164 metric tons (MT) sa mga produkto sa agrikultura.
Gilauman nga mosaka pa ang maong kantidad samtang padayon pa ang monitoring ug validation sa kadaot nga gibilin sa bagyong Paolo nga miigo sa Northern Luzon.
Sumala sa DA-DRRMO, miabot na sa kinatibuk-ang P424.78 milyon ang kantidad sa indemnification nga ihatag sa mga mag-uuma nga nakaseguro sa ilahang tanom sa wala pa miigo ang bagyo, base sa datos sa Philippine Crop Insurance Corporation (PCIC).
Mamahimong mapahimuslan kini sa kapin 43,000 ka insured nga mga mag-uuma.
