-- ADVERTISEMENT --
Gipahibalo sa Commission on Elections (Comelec) ang pagpanaw sa ilahang kanhi tigpamaba nga si James Jimenez karong adlawa sa edad nga 52-anyos.
Wala pa usab gikabutyag kung unsay hiungdan sa kamatayon sa kahing opisyal sa Comelec.
Si Atty.Jimenez nagsilbi usab isip Director IV sa Education and Information Department sa Komisyon.
Matod sa Comelec sa ilahang pahayag gikan Hulyo 2006 hangtod Septyembre 2022, siya ang naghatag ug lig-on nga tingog sa Komisyon ug nagpasabot sa komplikadong mga proseso sa eleksyon uban ang klaro ug tukma nga paagi, nagpanalipod sa mga demokratikong institusyon uban ang kalmado nga kaisog, ug nakiglambigit sa mga katawhan ug media uban ang pagtahod, kaalam, ug transparency.
