Gikumpirma ni Ombudsman Jesus Crispin ‘Boying’ Remulla nga ilang giandam na ang pagsang-at og kasong plunder batok nila kanhing Speaker Martin Romualdez ug Kanhing Senate Pres.Francis ‘Chiz’ Escudero.
Sumala kaniya, may kalabotan kini sa ilang giingong pagkalambigit sa isyu sa korapsyon sa mga anomalosong flood control projects sa gobyerno.
Gipahayag nga adunay posibleng pagkunsabuhay sumala pa o “conspiracy” sa proseso sa pag-apod-apod sa pondo sa gobyerno niadtong tuig 2024 ug 2025.
Plano nga pormal nga masang-at ang kasong plunder batok sa mga kanhi lider sa Kongreso sa umaabot nga bulan sa Mayo.
Sa pagkakaron, gi-finalize pa sa Ombudsman ang tanang dokumento nga gikinahanglan aron makompleto ang kaso nga ipasaka.
Bisan pa man nga sila Sen. Escudero ug Rep. Romualdez ang gipangalanan, matud ni Ombudsman Remulla nga adunay uban pang mga indibidwal nga ilahang giimbestigahan may kalabotan niini nga isyu.
