Gihukman ang kanhi Bangladesh Prime Minister nga si Sheikh Hasina og silot kamatayon tungod sa kasong crimes againts humanity.
Ang maong kaso kabahin sa matud pa pagmando niini sa usa ka mapintas nga crackdown sa mga protesta sa mga estudyante kaniadtong Hulyo ug Agosto 2024, nga miresulta sa kamatayon sa 1,400 ka mga indibidwal.
Nakadawat usab siya og tibuok kinabuhi nga pagkabilanggo tungod sa ubang mga krimen batok sa katawhan.
Si Hasina gisentensiyahan nga in absentia human siya misibat sa India kaniadtong Agosto 2024, nga nagpasaka sa tensyon sa wala pa ang parliamentary nga eleksyon kaniadtong Pebrero 2026.
Hugot ang seguridad sa Dhaka ug uban pang mga lungsod, ug ang mga pwersa sa paramilitar gipakatag sa palibot sa mga nag-unang mga bilding sa gobyerno.
Sa bag-o nga mga adlaw, 30 ka pagbusikad sa bomba ug 26 ka mga sakyanan ang nasunog, apan wala’y gikataho nga naangol.
