Patay ang usa ka lalaki human nga gipusil kaganihang buntag sa mga suspek nga nakamotorsiklo sa dakbayan sa Tagum.
Subay sa inisyal nga imbistigasyon sa kapulisan, giila ang biktima nga si Lester Guzman Payot, hamtong ang panuigon nga resodente sa maong syudad.
Sumala pa sa kapulisan, nagmaneho ang biktima sa iyahang kolor itom nga pick-up, nagpadaplin kini sa usa ka establisemento sa Briz District. Magugpo East.,og kalit lamang kining gihunungan sa mga suspetsado og gipusil sa makadaghang higayon.
Human sa pagpamusil, dali usab nga misibat ang mga suspek sakay sa motorsiklo.
Nakaangkon og daghang samad ang biktima nga maoy hinungdan sa iyahang hinanaling kamatayon.
Nasayran nga ang biktima kanhing empleyado sa City Hall sa Tagum nga milansad usab kini sa pagka- City Councilor sa 2025 Local Elections.
Sa pagkakaron, padayon pa ang kapulisan sa pag-imbistiga sa pagpusil ngadto sa biktima ingon man ang
pagsubay sa motibo sa maong panghitabo.
