Gituboy ni Pang.Ferdinand Marcos Jr. si Mel Senen Sarmiento, usa ka kanhing kongresista ug kanhing DILG secretary sa panahon ni ex-President Noynoy Aquino, isip bag-ong Presidential Adviser on Peace, Reconciliation and Unity.
Gikumpirma ni Palace press officer Claire Castro sa usa ka mensahe nga gidawat na ni Pang.Marcos ang pag-resign ni retired military general Carlito Galvez Jr.
Ang pagbiya ni Galvez nahitabo pila ka adlaw human mikanaog usab si Retired Gen.Eduardo Año isip National Security Adviser, ug gipulihan siya ni Ret.Gen. Eduardo Oban, nga kaniadto nagsilbi usab isip AFP chief sa panahon ni Aquino.
Si Galvez ug si Año susamang nagsilbi isip mga Cabinet secretary sa administrasyon ni kanhing Pang. Rodrigo Duterte. Nasayran nga si Galvez kaniadto usa ka military chief ug sunod nahimong presidential peace adviser, samtang si Año nagsilbi isip DILG chief nga kanhi usab nga AFP Chief.
